Survista

Occurrenzas 22.05.2025

Automatisaziuns en las PME – ina resposta a la mancanza da persunal qualifitgà?

Sco resposta a la mancanza da persunal qualifitgà, mettan interpresas pitschnas e mesaunas adina dapli sin l’automatisaziun da lur process da lavur. Las svilupaziuns en il sectur tecnologic ed en il champ digital pussibiliteschan oz innovaziuns che eran anc in pèr onns enavos impussiblas.
Automatisierung in KMU

co resposta a la mancanza da persunal qualifitgà mettan interpresas pitschnas e mesaunas adina dapli sin l’automatisaziun da lur process da lavur. Las svilupaziuns en il sectur tecnologic ed en il champ digital pussibiliteschan oz innovaziuns che eran anc in pèr onns enavos impussiblas. L’augment da l’effizienza dals process da lavur porscha er a PME en la producziun ed en il commerzi in potenzial immens per meglierar lur qualitad e cumpetitivitad. Ma co funcziuna l’entschatta cun success en l’automatisaziun? Tge facturs èn decisivs ed a tge stgarps duess vegnir evità? Durant nossa occurrenza per PME examinain nus questas dumondas. Vus survegnis invistas interessantas en interpresas dal Grischun che han gia automatisa process en lur champ central, en la planisaziun e l’administraziun. Tematisads vegnan aspects davart la planisaziun e l’implementaziun sco er la meglieraziun cuntinuanta d’automatisaziuns.

L’occurrenza vegn organisada dal Verband grischun d’artisanadi e commerzi en collavuraziun cun la HWSGR. Ella po er vegnir suandada en livestream. Suenter l’occurrenza ha lieu in aperitiv da raitaziun.

Infurmaziuns

  • Data: gievgia, ils 22 da matg 2025
  • Ura: 17:30 - 19:00, suenter aperitiv da raitaziun
  • Lieu: Aula ibW Scola spezialisada superiura da la Svizra dal sidost, Gürtelstrasse 48, 7000 Cuira
  • Entrada: gratuita
  • Termin d’annunzia: ils 19 da matg 2025
  • L’occurrenza po er vegnir suandada en livestream.
  • Contact: Sabina Wolf, Verband grischun d’artisanadi e commerzi, wolf@kgv-gr.ch, Tel. 081 257 03 22

Program

  • Bainvegni tras Jan Koch, vicepresident BGV e moderatur da l’occurrenza
  • Referat da Ernst Schranz, CEO da Gritec, davart il tema «Automatisar process da producziun»
  • Runda da discurs cun Ricardo Tarnutzer, manader da producziun, ed Enrico Bellasi, CDO – Keller Laser AG
  • Runda da discurs cun Oliver Hohl, manader general e co-proprietari da WeberPrevost
  • Runda da discurs cun Christoph Baumann, manader general da FIBA Holzbau AG