Il secretariat

Tge ta motivescha da t’engaschar per GRdigital?
La digitalisaziun è mia passiun. Jau sun losch che nus avain pudì metter cun GRdigital la basa per promover projects da digitalisaziun e che nus pudain manar uschia l’economia publica grischuna en in avegnir empermettent.

Tge ta fa plaschair en tia professiun?
Las numerusas interpresas e persunalitads innovativas en il chantun Grischun. E betg il davos era la collavuraziun inspiranta cun Rebecca, la suprastanza, il gremi d’expertas e d’experts e la Regenza dal chantun Grischun.

Gioga la digitalisaziun ina gronda rolla er en tes temp liber?
Na, jau fatsch pli gugent sport en nossa bellezza cuntrada muntagnarda u giaud il temp liber a chasa cun mia dunna, cun amias ed amis, noss chaun ed ils dus giats.

Contactescha Marcel: per e-mail, per telefon al 081 250 69 11 u reservascha in termin.

Contactescha Daniel: per e-mail, per telefon al 081 515 08 33 u reservascha in termin.

Tge ta motivescha da t’engaschar per GRdigital?
Tar GRdigital ma plascha surtut il fatg che nus pudain contribuir activamain a l’innovaziun digitala en il chantun Grischun. La digitalisaziun simplifiescha nossa vita en blers secturs, ed è magnific d’animar soluziuns innovativas cun noss lavur e da sviluppar vinavant il chantun.

Tge ta fa plaschair en tia professiun?
Jau sun motivada da la voluntad da far la differenza e d’avantatgiar il chantun Grischun ed sias interpresas en la transfurmaziun digitala. Quai che ma inspirescha spezialmain è il barat cun persunas engaschadas ed avertas per novas ideas.

Gioga la digitalisaziun ina gronda rolla er en tes temp liber?
Gea, er en mia vita privata sun jau gugent digitala, per exempel cun apps per prest tut. Festivals e viadis fan er part da mes temp liber, e là na poss jau betg pli imaginar la vita senza tools digitals. Era en mia furmaziun cuntinuada ma faciliteschan documents online e process digitals considerablamain la vita quotidiana.

Contactescha Flurina: per e-mail, per telefon al 081 515 08 11 u reservascha in termin.