Crear il futur. InnoCircle

«Nus na pudain betg midar il vent, ma nus pudain metter autramain las velas»
Aristoteles, 384 – 322 a.C.

InnoCircle ils 22 da matg 2025 en il blue Cinema Cuira

Questa giada èsi en il vair senn da la parola «gronda cinemateca», perquai che l’InnoCircle dals 22 da matg 2025 ha lieu da las 13.00 fin las 18.00 en il blue Cinema Cuira.

Nagut na funcziuna pli senza digitalisaziun – e nagut na funcziuna pli senza sustegnibilitad. Las innovaziuns dal futur ston resguardar per forza quests dus elements, sch’i vulan avair success a lunga vista. Al InnoCircle da quest onn stat perquai il tema «turissem durant l’entir onn» en il center. Tge è la situaziun da partenza, tge problems datti e co arrivain nus là?

Sco adina, mussain nus trends che vegnan a midar il turissem a mesa e lunga vista ed elavurain temas che occupan actualmain il sectur turistic.

Il format consista en ina cumbinaziun variada cun ina projecziun da film, che vegn classifitgada dal punct da vista dal cuntegn dad in expert renconuschì da l’Institut per la perscrutaziun da naiv e lavinas a Tavau, referats curts ed il barat vicendaivel. Sco adina vegn l’occurrenza terminada cun in aperitiv.

L’InnoCircle è la plattafurma per innovaziun ed exchange per il futur dal turissem grischun. Qua entupain nus tgaus visiunars, persunas engaschadas e spezialists experimentads per sviluppar ideas frestgas ed ir vias novas. Ensemen ans fatschentain nus cun las experientschas turisticas da damaun – innovativ, persistent ed orientà vers il futur.

L’InnoCircle è gratuit ed avert per tuts che vulan sa fatschentar cun il futur dal turissem. Annunziai-vos ussa! Il program detaglià suonda.