Communicaziuns 13.03.2025

Contribuziun chantunala per la transfurmaziun digitala d’in project da furmaziun da la ibW

La regenza conceda a l’associaziun ibW Höhere Fachschule Südostschweiz (associaziun ibW) ina contribuziun chantunala da maximal 100’000 francs per il curs da preparaziun all’examen professiunal federal «Digital Collaboration Specialist». La contribuziun vegn garantida en il rom da la lescha per la promoziun da la transfurmaziun digitala en il chantun Grischun.

Il project da furmaziun da l’associaziun ibW cumpiglia la concepziun ed implementaziun d’in curs preparatoric che duai manar ad ina furmaziun renconuschida a nivel federal sco «Digital Collaboration Specialist» en il chantun Grischun. Las persunas che absolvan l’examen professiunal federal en «Digital Collaboration Specialist» contribueschan en moda impurtanta a l’augment da la cumpetenza digitala da spezialists en differentas branschas ed interpresas. Uschia vegn garantida la concurrenzabilitad da las PME en il chantun Grischun ed augmentada la capacitad d’integraziun sin il martgà da lavur per ils diplomads.

Infurmaziuns actualas davart il project

Contact per dumondas supplementaras:

Marcel Meyer
Directur GRdigital
T +41 81 250 69 11
marcel@grdigital.digital