Blog 22.05.2022
Radunanza generala: Cletg da partenza per la transfurmaziun digitala dal Grischun
Al cumenzament da questa occurrenza ha il president da la Regenza Marcus Caduff beneventà las participantas ed ils participants ed accentuà la gronda impurtanza che GRdigital haja en connex cun la transfurmaziun digitala dal Grischun. Suenter ha il president da la suprastanza Jon Erni mussà tge ch'è tut vegnì cuntanschì durant l'emprim onn da l'uniun. I's tratta in prüma lingia da blera lavur creativa cha la suprastanza ha fat. L'inter process per inoltrar las dumondas sco eir criteris da promoziun respectivs e la fundaziun d'ün cussagl specialisà ha pudü gnir fat. Il secretariat operativ suot la bachetta da Marcel Meyer es la fin finala gnida in funcziun al cumanzamaint da l'on 2022.
Muossar 12 illustraziuns
Good governance e passadi a l'activitad regulara da l'uniun
Cun suttascriver il mandat da prestaziun ordinari cun il chantun e cun deliberar il reglament da gene-governance a la radunanza generala dals 09 da matg 2022 po l' uniun pia cumenzar cun ses manaschi operativ regular. Cun las directivas da Good-governance garantescha la suprastanza che las incumbensas vegnian ademplidas en moda gista, transparenta ed objectiva, ina gestiun ch' è independenta d' interess persunals sco er la garanzia da l' integritad e da la credibladad da Grdigital sco organisaziun spezialisada tenor l' art. 5 da la lescha per promover la transfurmaziun digitala en il Grischun.
Per la transfurmaziun digitala è GRdigital ussa cleramain en il center. Per l'onn 2022 stattan en il center las suandantas finamiras:
- GRdigital vegn resguardà sco post da consultaziun e da coordinaziun cumpetent davart temas da la transfurmaziun digitala
- Divers projects da transfurmaziun digitals novs vegnan realisads tras la rait da GRdigital
- Emprims projects inoltrads tar GRdigital, sind en la realisaziun
- Ils emprims daners da promoziun vegnan pajads dal chantun sin fundament da la recumandaziun positiva da promoziun da GRdigital
- Il cussegl spezialisà vegn extendì da diversas persunalitads e vegn ad ina rait spezialisada d'aut nivel en il sectur da la transfurmaziun digitala.
Bainvegni en suprastanza, Aixa!
La suprastanza actuala es gnüda constituida als 10-05-21 e cumpiglia la diversitad importanta da la vegliadetgna, la schlattaina, la cultura e la derivanza professiunala per l'uniun. Cun l'elecziun dad Aixa Andreetta ha la suprastanza pudü gnir cumplettada professiunalmain e linguisticamaing cun üna rapreschantanta da las regiuns italofonas.
