"Avant attatgas da cyber na restan er interpresas grischunas betg schanegiadas"

Quant real stimais Vus la ristga per interpresas grischunas da vegnir zappitschadas?

"Il risico s'augmenta pervia da la situaziun da smanatscha creschenta. Cyber-attatgas èn in problem global e capitan en il tact da secunda. Da quai na restan er interpresas grischunas betg unfisas. Quai ch'è spezial en il Grischun è la ferma caracteristica turistica. Uschia disponan per exempel las pendicularas d'ina cuntrada da sistem e d'applicaziuns fitg vasta, sco p. ex. sistems da cassa, sistems d'access, indrizs d'ennavar, plattafurmas da cudeschaziun etc.  Ultra da quai èn en acziun differentas apps che mettan a disposiziun infurmaziuns realas a la clientella. Tals ambients cumplexs dal sistem ston vegnir protegids cun gronda lavur ed èn ina surfatscha d'attatga dapli che sistems d'ina interpresa da producziun ch'èn preparads bain vers anora."

Pon ins insumma sa proteger 100% d'ina attatga?

"Ina protecziun da 100 % na vegn probablamain mai a cuntanscher. Malgrà la gronda conscienza da sgürezza e'l standard da sgürezza vegni a dar ristgas restantas sco p.ex. attatgas a nero-Day. Tar questas attatgas vegnan nizzegiadas largias da sgürezza da producents da software che n'èn sezs anc betg conuschentas als producents da software. Eir il collavuratur es adüna üna tscherta ristga restanta, perquai chi po dar tras in sbagl uman o in agir sbaglià, sbagls e cun quai largias da sgürezza."

Quant vegn gia fatg en Svizra en las interpresas? Avunda, u memia pauc?

"Nus pudain e duessan far en Svizra definitivamain anc dapli per la protecziun da datas e da sistems. Las statisticas cumprovan che las mesiras da segirezza necessarias na vegnan betg anc realisadas suffizientamain. Savens vegn il problem er prendì per mauns be punctualmain e betg cumplessivamain. Quai ha per consequenza che parts dals sistems u process  vegnan bain manads sin in nivel da segirezza pli aut, ma i èn anc adina avant maun puncts debels e largias da segirezza."

Vegn tut mo anc mender en il futur?

"La tecnologia è benedicziun e smaladicziun a medem temp. Nus vegnin en mintga cas a stuair ans far attent ad in ulteriur augment d'attatgas da cyber. Speranza crescha però er la conscienza che las interpresas ston sa proteger e s'organisar anc meglier, uschiglio dastgassi daventar mender."

Tge cussegliais Vus ad interpresas grischunas?

"Jau recumond a l'interpraisa da cumbatter ristgas da Cyber cun sistematica e metodica per implementar ina protecziun cumplessiva. Cumenzar duess quai cun in'analisa da las ristgas che mussa il lieu debel. Quellas duessan alura vegnir prendidas per mauns sistematicamain. Mo cun in management da ristgas cuntinuant pon ins far frunt a las smanatschas da cyber che s'augmentan."

Ulteriuras infurmaziuns:

• Fegl d'infurmaziun davart la Cyber Security per las IPM
• glista da controlla en cas d'ina attatga da cyber
• Website Center naziunal per la segirezza da cyber (CN)

Sur John Fischer

John Fisher è independent Cyber Security Consultant, possessur da la Innovis Technologies ScRL. Sia activitad consultativa sa chatta en ils secturs da l'organisaziun da segirezza e da la Cyber Risk Management. Plinavant sustegna el ils MPM tar l'introducziun e da Information Security Management Systems (ISMS) e da la certificaziun tenor ISO27001. El ha in'experientscha da blers onns cun installar firmas ed organisaziuns d'IT en Svizra, en ils Stadis Unids, en la China ed en l'India ed ha absolvì certificaziuns internaziunalas en ils secturs da la tecnologia da rait, dal management da servetsch dad IT sco er da furmaziuns supplementaras  per Cloud Security ed Information Security.