"L'attractivitad da las patrunas e dals patruns è in factur impurtant per far frunt a la circulaziun da forzas spezialisadas."

"Il mund da lavur 4.0 è il pendant a l'industria 4.0 e descriva uschia la lavur, ch'è marcada da la transfurmaziun digitala, da l'automatisaziun e da l'entretschament global. I sa tracta damai d'ina tschertga da soluziuns pragmaticas, co ch'ins po lavurar en il mund da lavur dad oz, per esser effizient e per betg franar il progress, ma da l'autra vart er betg d'emblidar ils basegns da las collavuraturas e dals collavuraturs per pudair s'opponer a la mancanza da forzas spezialisadas. Quai cuntrari a la noziun New Work, che ha ses origin da natira filosofica e che s'occupa da la dumonda, co ch'il mund da lavur duai vegnir furmà per ch'el saja optimal per l'uman, resp. co ch'ils umans vulan propi lavurar. Oz vegnan dentant tuttas duas noziuns duvradas fitg variadamain e tant il mund da lavur 4.0 sco er il New Work aud'ins en blers connexs differents e cun bleras opiniuns differentas – adina en il champ da tensiun dal mund da lavur d'ozendi. tschantschar la munda"

"Sin il martgà da lavur sa chattan il mument surtut quatter generaziuns, ma la pli veglia (generaziun Babyboomer) è gia curt avant la pensiun, ed ils pli giuvens (generaziun Z) han gist uschè bain pe en il martgà da lavur. Sch'ins considerescha las differentas circumstanzas e las differentas cundiziuns da basa dals temps, en il qual las differentas generaziuns èn daventadas grondas, èsi dal tuttafatg cler che tuttas han differentas preferenzas. Quellas n'èn ni bunas ni nauschas, mabain simplamain differentas. Perquai èsi impurtant ch'ins discurria e s'occupia cun quai. Giuven e vegl ston sa barattar e chapir co ch'ils differents umans èn vegnids caracterisads ed uschia era demussar ina enclegientscha per ils differents puntgs da vista. Stgaffir las cundiziuns da basa ed ils vaschs per quai è responsabel da manar interpresas."

"En mintga cas. La transfurmaziun digitala è bain perfin il factur che porscha las pli bleras pussaivladads. Ella permetta da liquidar incumbensas a moda pli effizienta ed a medem temp d'automatisar bleras activitads malempernaivlas. Al medem mument pussibiliteschan blers avantatgs dal nov mund da lavur, p.ex. l'entira flexibilisaziun, homeoffice etc. pir tras quai. Da l'autra vart provocheschan las pussaivladads digitalas era numerusas temas e sfidas, cunquai ch'igl è adina pli grev da prevair tge che vegn sco proxim. Uschia dovri segir tuts dus per il mund da lavur da damaun: ils mezs d'agid ed ils tools digitals che vegnan accumpagnads d'ina ferma cultura d'interpresa, per che las pussaivladads possian dad ina vart vegnir tratgas a niz propi plainamain, da l'autra vart però era per che las collavuraturas ed ils collavuraturs possian sa far valair en segirtad e na stoppian betg avair tema da vegnir distatgads mintga di."

"Era sche nauschas lieungas pretendan che las uras giajan in pau pli plaun en il Grischun, avain nus qua exact las medemas premissas sco en il rest da la Svizra. Nus pudain damai concepir exact tuttina il mund da lavur e schizunt surpigliar ina rolla da pionier, sche nus cumenzain a far quai uschè svelt sco pussaivel. Cun quai ch'il Grischun po porscher cun sia natira e cun las occupaziuns da temp liber na po inqual chantun betg tegnair pitg – nus guardain che quellas na pon betg vegnir duvradas mo la saira da vacanzas e la fin d'emna. Quai ch'i dovra per quai: avertadad, curaschi e la voluntad dad ir novas vias."

"Ins sto schizunt ir in pass vinavant: Tras quai ch'il Grischun ha pli gronds dischavantatgs areguard la plazza da lavur e tras quai che bleras persunas indigenas bandunan il chantun en direcziun da la Bassa (chavazzin: Brain-Drain), èsi gist per noss chantun da gronda impurtanza d'investir en l'attractivitad da las patrunas e da profitar da las schanzas dal nov mund da lavur."

"Tot cler pro la cultura e'l minset. Üna cultura da manaschi intacta e moderna es la basa per tuottas masüras our dal champ da lavur 4.0 e New Work. Las meglderas mesiras e libertads nu portan nüglia, scha la cultura dominanta nu permetta da trar a nüz ellas. Nus illustrain in exempel: sch'üna interpraisa flexibilisescha tuot ils temps da lavur e permetta a tuot las collavuraturas e tuot ils collavuraturs da prestar lur temp da lavur schi's vöglia, e tuottüna guarda curius, sch'ingün vain pir a las 10 o va fingià a las 15.00 nu porta l'intera mesira nagliur, però sgüra amo dapü. Ma eir las impraisas chi han fingià hoz üna buna cultura ston reponderar quella, perche cha las circunstanzas dal muond da lavur e da la collavuraziun as müdan talmaing. Finalmaing nun es eir la megldra cultura dal passà amo ditg na üna buna cultura da preschaint e futur."

Pascal e Stephan èn ils dus fundaturs e manaders da la fatschenta fundamensch ScRL. Cun fundamensch sustegnan els las interpresas da stabilir ina cultura d'interpresa moderna che correspunda al nov mund da lavur.

La transfurmaziun digitala è confruntada cun grondas sfidas tar las interpresas: la lavur sa mida e pretenda novas cundiziuns da basa, per las qualas ella vegn prestada a moda optimala. Part da quai ed il medem mument basa per tut Ulteriura è la cultura che regia en in'interpresa. Sco represchentants da las generaziuns pli giuvnas, Y / Z, preschentan Pascal e Stephan il mindset adattà per quest nov mund da lavur e chapeschan sco "digital Natives" fitg bain il nov mund da lavur en connex cun la transfurmaziun digitala.