Academia online per la branscha turistica

La Regenza ha garantì ina contribuziun chantunala da maximalmain 31 500 francs a la cuminanza da lavur Academia Engiadina SA e Somedia Learning SA per il project «Online-Academy per la branscha turistica». Ella ha deliberà la contribuziun en il rom da la Lescha davart la promoziun da la transfurmaziun digitala en il Grischun. L’entir project è budgetà cun 63 000 francs ed è concepì per ina perioda da 6 onns.

Cun l’academia online per la branscha turistica duain las collavuraturas ed ils collavuraturs, las possessuras ed ils possessurs resp. las manadras ed ils manaders d’interpresas turisticas pli pitschnas e mesaunas (IPM) e d’interpresas datiers dal turissem en il chantun Grischun vegnir qualifitgads da promover lur atgna transfurmaziun digitala. La purschida sa drizza en emprima lingia a la hotellaria, a la gastronomia, als purschiders d’events ed ad auters furniturs da prestaziuns turisticas, ma er a l’agricultura sco er a commerziantas e commerziants che vulan vender lur agens products locals. L’element central da questa plattafurma da furmaziun supplementara è ina purschida dad 80 medias autodidacticas digitalas. La finamira è quella da render accessibla la purschida gratuitamain a las utilisadras ed als utilisaders che sa participeschan a l’academia.

Las infurmaziuns las pli impurtantas en in’egliada

• Petenta/petent: Academia Engiadina und Somedia Learning
• Approvà dal Chantun pls: 8. September 2022
• Cuts dal project total: CHF 63’000
• Contribuziun da promozione: CHF 31’500

Ils documents ch’il project metta a disposiziun per l’ulteriur diever vegnan archivads qua.

• Website

Dumondas

Sche ti has dumondas, pos ti scriver ad info@grdigital.digital.