«vaidrina plus»

Dapi 2 onns fan las vischnancas da l’Engiadin’Ota lur publicaziuns uffizialas – supplementarmain a la publicaziun en la «Engadiner Post/Posta Ladina» – er sin la plattafurma digitala «info.engadin.online». Cun il project «vaidrina plus» duai la plattafurma existenta vegnir transfurmada en ina «vaidrina» (vitrina).

Il «plus» signalisescha, ch’i duai dar da nov ina plattafurma da communicaziun participativa tranter la populaziun (indigens e giasts) e las vischnancas da l’Engiadin’Ota, cun infurmaziuns communalas supplementaras e cun ulteriuras pussaivladads da dialog en il spazi digital. Las vischnancas survegnan uschia in instrument che sustegna la transfurmaziun digitala da la communicaziun communala e che promova las cumpetenzas digitalas da las collavuraturas e dals collavuraturs. Sco plattafurma regiunala promova «vaidrina plus» plinavant il barat politic sur ils cunfins communals or.

Las infurmaziuns las pli impurtantas en in’egliada

• Petenta/petent: Gammeter Media AG
• Approvà dal Chantun pls: 26 da schaner 2023
• Cuts dal project total: CHF 190’400
• Contribuziun da promozione: CHF 71’400

Dumondas