Rinforzar la transfurmaziun digitala en il turissem

drm

Per interpresas turisticas e per lur collavuraturas e collavuraturs èsi ina sfida da s’occupar da l’incumbensa cumplexa da la transfurmaziun digitala. Il «Post spezialisà per la transfurmaziun digitala dal turissem grischun» duai intermediar las enconuschientschas necessarias. La direcziun da quest post spezialisà ha la Regenza surdà a l’Uniun GRdigital en furma d’ina incarica da prestaziun.

La finamira da quest project da pilot ch’è limità a 4 onns è quella da qualifitgar las collavuraturas ed ils collavuraturs dal sectur turistic cun enconuschientschas, per ch’ellas ed els possian realisar las dretgas strategias digitalas en lur interpresas. Il post spezialisà duai porscher emprimas cussegliaziuns specificas per la clientella, intermediar las cumpetenzas necessarias ed intensivar la transfurmaziun digitala en il turissem. Cumplementarmain duai vegnir elavurà in instrument d’intermediaziun orientà a la pratica cun cuntegns curatads – ina spezia da «Wikipedia» per la digitalisaziun dal turissem grischun, cun enconuschientschas e cun cuntegns multifars.

Las infurmaziuns las pli impurtantas en in’egliada

  • Petenta/petent: Chantun Grischun (Uffizi per economia e turissem)
  • Approvà dal Chantun pls: 20 da zercladur 2024
  • Cuts dal project total: CHF 1’450’000
  • Contribuziun da promozione: CHF 1’450’000

Documents

Ils documents ch’il project metta a disposiziun per l’ulteriur diever vegnan archivads qua.

Dumondas

Sche ti has dumondas, pos ti scriver ad info@grdigital.digital .