Profil da vacanzas Grischun

La finamira dal project è quella da facilitar als giasts la planisaziun da lur viadis. Tras las datas turisticas dals utilisaders che vegnan rimnadas, pon ils giasts profitar d’ina experientscha persunalisada. Ultra da quai duai il project er crear ina plivalur per las destinaziuns turisticas grischunas e per lur furniturs da prestaziuns. Las datas dals utilisaders vegnan arcunadas – en moda confurma a la protecziun da datas – en in profil da giast per l’entira Svizra, che vegn offrì d’in terz purschider. Questas datas pon er vegnir duvradas ensemen cun funcziuns da persunalisaziun.

En il project da pilot «Profil da vacanzas Grischun» duain vegnir fatgas en in emprim pass las lavurs preparatoricas las pli impurtantas per pudair examinar e validar il project. Sin basa dals resultats furnibels duai vegnir cuntinuà cun in project da realisaziun. Durant la fasa da pilot da 7 mais collavura Grischun Vacanzas cun experts externs. Ils auters partenaris da project sco las destinaziuns, ils parcs grischuns ed ils furniturs da prestaziuns, vegnan integrads en il decurs da las ulteriuras lavurs da project.

Las infurmaziuns las pli impurtantas en in’egliada

• Petenta/petent: Uniun Grischun Vacanzas
• Approvà dal Chantun pls: 22 da favrer 2024
• Cuts dal project total: CHF 269’494
• Contribuziun da promozione: CHF 130’000

Documents

Ils documents ch’il project metta a disposiziun per l’ulteriur diever vegnan archivads qua.

Dumondas

Sche ti has dumondas, pos ti scriver ad info@grdigital.digital.

GRdigital Podcast

El podcast declara Stephanie Gram, tgei ch’ei setracta el project Ferienprofil Graubünden, tgei ch’ei ha dau per sfidas ed auter pli. Mirei uossa il Vlog ni tadlai el podcast!