Daventar commembra u commember
In commembradi da GRdigital vegn en dumonda per tut las interpresas e furmas d’organisaziun sco era per persunas privatas che vulan s’engaschar a moda activa per la transfurmaziun digitala en il Grischun. Cun in commembradi profiteschas ti …
- … d’ina participaziun exclusiva u pli favuraivla ad occurrenzas
- … regularmain da novitads via newsletter
- … da l’access ad ina rait exclusiva da persunas che han plaschair da la digitalisaziun
Las contribuziuns da commembranza annualas èn descrittas en il Reglament da contribuziuns. Suenter in’annunzia en scrit decida la suprastanza davart l’admissiun da novas commembras e novs commembers. Cun ina curta motivaziun po ella refusar dumondas d’admissiun. Ils ulteriurs dretgs èn reglads en ils statuts da l’uniun.
Nus ans legrain sin tia annunzia!