Communicaziuns

La Regenza ha concedì ina contribuziun chantunala da maximalmain 990 000 francs a la Scola auta spezialisada dal Grischun (SASGR) per manar e per sviluppar vinavant il program da furmaziun supplementara «Transfurmaziun digitala@GR». Ella ha deliberà questa contribuziun en il rom da laLescha davart la promoziun da la transfurmaziun digitala en il Grischun. Ils custs totals per realisar 22 studis da certificat èn budgetads cun tut en tut 3,14 milliuns francs (custs d’installaziun e da gestiun).

Per il project digital «Augment da l’effizienza en la tgira grazia a la gestiun da las incumbensas» ha la Regenza concedì a la Fundaziun Ospital chantunal dal Grischun ina contribuziun chantunala da 910 000 francs en il rom da la Lescha davart la promoziun da la transfurmaziun digitala en il Grischun. Ils custs d’investiziun e da manaschi imputabels dal project importan var 2,82 milliuns francs.

La Regenza ha concedì a l’Engadin Tourismus SA ina contribuziun chantunala da 266 000 francs per il project digital «Furniturs da prestaziuns sco sellpoints decentrals». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Per ils emprims tschintg onns da gestiun èn ils custs dal project budgetads cun var 959 081 francs (custs d’investiziun e da manaschi).

Per il project digital «Pachet d’automatisaziun en il sectur da sanadad» ha la Regenza concedì a la Fundaziun Ospital chantunal dal Grischun ina contribuziun chantunala da 2,51 milliuns francs en il rom da la Lescha davart la promoziun da la transfurmaziun digitala en il Grischun. Per il project èn budgetads custs d’investiziun e da manaschi da tut en tut var 7,72 milliuns francs.

Cun adattar il model directiv da promoziun respectivamain ils criteris da promoziun per promover la transfurmaziun digitala en il Grischun fixescha la Regenza limitas da custs.

La Regenza ha approvà ina limita da custs da 131 000 francs per il project digital «Digitalisaziun dal traffic betg motorisà» da l’Uffizi da construcziun bassa dal Grischun. Maximalmain 113 000 francs da questa limita ha ella concedì en il rom da la Lescha davart la promoziun da la transfurmaziun digitala en il Grischun.

La Regenza ha garantì a la scola auta spezialisada dal Grischun ina contribuziun chantunala da maximalmain CHF 756’912 per il studi da master consecutiv «User Design and Data Visualisation». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Per il project èn budgetads custs da circa 3’187’000 francs.

La Regenza ha garantì a la firma Markenkern SA ina contribuziun chantunala da maximalmain 37 296 francs per il project preliminar «Framework cumpetenzas digitalas da basa en il Grischun». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Per il project èn budgetads custs da circa 99 500 francs.

La regenza garantescha a la societad simpla "aI.digital" ina contribuziun chantunala da 2,13 milliuns francs per il project digital "Arosa Lenzerheide – Ökosystem (aI.digital". Ella approvescha la contribuziun en il rom da la lescha  per promover la transfurmaziun digitala in Grischun. Ils custs dal project per la perioda 2023 fin 2027 vegnan calculads cun var 6,5  milliuns francs.

La Regenza garantescha a la Swissrehamed ScRL ina contribuziun chantunala da maximalmain 9900 francs per examinar la realisabladad dal «Competence Center Exergames». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Il project è budgetà cun 25 500 francs.

La Regenza ha concedì ina contribuziun chantunala per in program da correctura ortografica rumantscha. Ultra da quai promova ella dus ulteriurs projects digitals en l’Engiadin’Ota ed en la regiun Partenz/Tavau.

"Herby – l'app da correctura dal Grischun per las persunas d'instrucziun" survegn da GRdigital e da la regenza dal chantun Grischun ina decisiun da promoziun positiva. Il project ha ademplì tut ils criteris e tut las prescripziuns ed ha dumagnà ils pass dal process da decisiun cun il consentiment da tut ils gremis spezialisads. Ella vegn promovida cun ina contribuziun da maximalmain CHF 450'000.