Il secretariat

danuser-211111212824

Il secretariat da GRdigital è responsabel per las incumbensas operativas. El è il post central per l’inoltraziun da projects e per dumondas en connex cun la digitalisaziun.

geschaeftsstelle_grdigital_marcel

Marcel Meyer

Manader da fatschenta

Tge ta motivescha da t’engaschar per GRdigital?
La digitalisaziun è mia passiun. Jau sun losch che nus avain pudì metter cun GRdigital la basa per promover projects da digitalisaziun e che nus pudain manar uschia l’economia publica grischuna en in avegnir empermettent.

Tge ta fa plaschair en tia professiun?
Las numerusas interpresas e persunalitads innovativas en il chantun Grischun. E betg il davos era la collavuraziun inspiranta cun Michèle, la suprastanza, il gremi d’expertas e d’experts e la Regenza dal chantun Grischun.

Gioga la digitalisaziun ina gronda rolla er en tes temp liber?
Na, jau fatsch pli gugent sport en nossa bellezza cuntrada muntagnarda u giaud il temp liber a chasa cun mia dunna, cun amias ed amis, noss chaun ed ils dus giats.

 

1585554093867

Michèle Ullmann

Manadra da project

Tge ta motivescha da t’engaschar per GRdigital?
La digitalisaziun è in fatg che pretenda che nus transfereschian nossa moda da viver actuala en l’èra digitala. I ma stat fitg a cor ch’il chantun Grischun na restia betg enavos en quest svilup. Jau ma legrel perquai dad esser ina part da questa transfurmaziun.

Per tge tema digital t’interessas ti il pli fitg?
Mai interessan da princip tut ils temas digitals che faciliteschan noss mintgadi e ch’ans fan plaschair. Da l’idea fin a la realisaziun. Surtut er ils aspects giuridics ch’ins sutstima savens.

En tge sectur da la vita es ti cumplettamain analoga?

Durant cuschinar: en cuschina traffitg jau enorm gugent cun «endretgs» cudeschs da cuschinar e senza gronds gadgets.