GRdigital è l’organisaziun spezialisada interdisciplinara che promova e fa avanzar la creaziun da raits a favur da la transfurmaziun digitala e da la digitalisaziun per incumbensa dal chantun Grischun. La basa da sias activitads è la Lescha davart la promoziun da la transfurmaziun digitala en il Grischun e l’ordinaziun correspundenta.

Las incumbensas ed obligaziuns da l’uniun èn regladas en ils statuts. En il focus èn las suandantas activitads:

1. identifitgar, inizialisar, accumpagnar e coordinar projects da digitalisaziun
2. sustegnair il Chantun dad ademplir sias incumbensas tenor la Lescha davart la promoziun da la transfurmaziun digitala en il Grischun
3. examinar la realisabladad ed efficacitad da projects da digitalisaziun
4. far recumandaziuns da promoziun
5. porscher in post da consultaziun per organisaziuns professiunalas che han dumondas davart la transfurmaziun digitala e projects da digitalisaziun