Inoltrar in project – uschia vai!
Ti has in project che promova la transfurmaziun digitala en il chantun Grischun? Alura pos ti inoltrar ina dumonda da promoziun a GRdigital. Nus ta mussain en trais pass co che quai va.
Pass 1: determinar il gener da project
GRdigital differenziescha trais geners da project differents che s’orienteschan surtut a la summa dal project:
- projects exemplarics: projects gronds cun in vast effect ed ina vasta irradiaziun sur ils cunfins chantunals; custs totals da passa CHF 1 milliun
- projects cumplessivs: projects mesauns cun ina buna relaziun da custs e niz e cun in effect da multiplicatur cumprovabel; custs totals da tranter CHF 100’000 ed 1 milliun
- projects da pilot: projects pitschens e preprojects per sviluppar projects pronts per la realisaziun; custs totals da fin CHF 100’000 CHF
Tip: Sche ti na sas betg propi en tge categoria che tes project tutga, pos ti gugent contactar nus.
Per mintga project chattas ti projects, cun ils quals ti pos emplenir la dumonda a moda simpla:
Pass 2: emplenir il model e preparar ils documents
Tut tenor il gener da project ston vegnir resguardadas directivas differentas. Da princip vala: pli grond ch’il project è e dapli documents ch’ins sto inoltrar. En quest pass sa tracti perquai da preparar ils documents necessaris.
Tip: Prenda temp avunda per quest pass, uschia spargnas ti lavur supplementara.
Pass 3: inoltrar la dumonda cun agid dal formular online
Suenter che ti has emplenì il model pos ti inoltrar tia dumonda cun agid dal formular online. En quest formular stos ti anc ina giada inditgar intgins puncts impurtants davart il project.
Attenziun: Las endataziuns en il formular online na sa laschan betg memorisar. Emplenescha el perquai pir, cura che ti has pront tut ils documents per inoltrar la dumonda.
Has ti ulteriuras dumondas davart il proceder per inoltrar in project?
En noss document da FAQ chattas ti las respostas a las dumondas las pli usitadas.