Projects promovidas

Rinforzar la transfurmaziun digitala en il turissem

Per interpresas turisticas e per lur collavuraturas e collavuraturs èsi ina sfida da s’occupar da l’incumbensa cumplexa da la transfurmaziun digitala. Il «Post spezialisà per la transfurmaziun digitala dal turissem grischun» duai intermediar las enconuschientschas necessarias. La direcziun da quest post spezialisà ha la Regenza surdà a l’Uniun GRdigital en furma d’ina incarica da prestaziun.

project digital per sustegnair la planisaziun d'implants fotovoltaics alpins sin surfatschas libras

La ZENDRA SA è ina joint venture grischuna che sa cumpona da la REECH SA e da la X STATIK SA. En il rom da quest project ha ella l'intenziun da sviluppar – ensemen cun la INFRADIGITAL SA sco «consorzi per implants fotovoltaics alpins» – metodas, instruments e software per sustegnair la planisaziun, l'acquisiziun, la producziun, la montascha, la fabricaziun, il metter en funcziun ed il manaschi d'implants alpins sin surfatschas libras.

Pussaivladad d'avrir cumplettamain online in dossier electronic dal pazient

Cun il project ha l'uniun eSANITA la finamira, che l'entir process per avrir in dossier electronic dal pazient (DEP), inclusiv identitad electronica (e ID), saja pussaivel online. Il dossier electronic dal pazient è in project da sanadad publica (public health) da la Confederaziun e dals chantuns, che pussibilitescha a las pazientas ed als pazients in access digital a las atgnas datas da sanadad. La realisaziun e la finanziaziun è en emprima lingia chaussa dals chantuns e da lur furniturs da prestaziuns medicinalas, perquai ch'els èn er responsabels per l'organisaziun dals fatgs da sanadad. Il project da l'uniun eSANITA vul pussibilitar d'avrir in DEP en il Grischun senza stuair sa preschentar persunalmain tar in post da registraziun. Quest process duai pia esser disponibel en moda facila ed effizienta en tut las regiuns dal chantun. Per augmentar l'attractivitad dal DEP duai er il «e‑modul da vaccinaziun» vegnir integrà en il DEP. Quest modul è disponibel da nov sin basa da la lescha e remplazza dal tuttafatg l'attest da vaccinaziun fisic d'enfin ussa.

Profil da vacanzas Grischun

La finamira dal project è quella da facilitar als giasts la planisaziun da lur viadis. Tras las datas turisticas dals utilisaders che vegnan rimnadas, pon ils giasts profitar d’ina experientscha persunalisada. Ultra da quai duai il project er crear ina plivalur per las destinaziuns turisticas grischunas e per lur furniturs da prestaziuns. Las datas dals utilisaders vegnan arcunadas – en moda confurma a la protecziun da datas – en in profil da giast per l’entira Svizra, che vegn offrì d’in terz purschider. Questas datas pon er vegnir duvradas ensemen cun funcziuns da persunalisaziun.

Rinforzament dal skill-grade-mix en instituziuns da sanadad grischunas tras l’applicaziun da robotica da servetsch (SGM-GR)

En il rom dal project vul la SGO rinforzar l’uschenumnà skill-grade-mix da las forzas da tgira spezialisadas tras l’applicaziun da robotica da servetsch. Il skill-grade-mix gida ad eruir las qualificaziuns actualas da las collavuraturas e dals collavuraturs en l’ospital, da las preschentar graficamain, da las valitar e da mussar tge incumbensas che pon vegnir surpigliadas da collavuraturas e collavuraturs pli qualifitgads e tgeninas da collavuraturas e collavuraturs main qualifitgads. Tut en tut vul la fundaziun meglierar qua tras la qualitad da la tgira sco er far frunt a la mancanza da forzas da lavur. Las enconuschientschas eruidas ensemen cun las perscrutadras ed ils perscrutaders da la Scola auta spezialisada dal Grischun tras il project cun il roboter «Lio» vegnan rendidas accessiblas a tut las instituziuns da tgira dal chantun Grischun cun dis regulars da las portas avertas e cun ina roadshow en tut las regiuns.

Distgargiar e segirar la qualitad da la tgira cun virtualisar cuntegns da scolaziun

Il project ha la finamira da manar tras en l’avegnir las scolaziuns per tgirunzas e tgirunzs cun agid da la realitad virtuala. Uschia duai esser pussaivel da distgargiar las persunas spezialisadas qualifitgadas d’incumbensas da scolaziun, da flexibilisar ils temps da scolaziun sco er da simplifitgar l’introducziun da novas collavuraturas e collavuraturs. La finala vegnan spetgads in augment considerabel da l’effizienza, ina distgargia da las tgirunzas e dals tgirunzs ed in augment da la qualitad dal provediment da tgira e da la segirezza da las pazientas e dals pazients. «PixrealitiesTM» è ina soluziun da plattafurma virtuala da la firma Pixelmolkerei SA da Cuira, ch’è sa spezialisada sin trenaments virtuals, independents dal lieu e dal temp, per il persunal medicinal spezialisà. La firma transfurma il cuntegn da scolaziun en ina furma virtuala. Al letg da tgira virtual emprendan las tgirunzas ed ils tgirunzs cun agid d’egliers da video che als mainan en moda automatisada tras il program da scolaziun. La scolaziun duai esser concepida en moda interactiva, per che las collavuraturas ed ils collavuraturs possian gidar a reflectar activamain ed internalisar las acziuns ed ils moviments correspundents.

Mercato Valposchiavo

En il rom dal project per il svilup regiunal (PSR) 100% (bio) Valposchiavo duai la soluziun digitala locala da distribuziun e da logistica B2B «Mercato Valposchiavo» vegnir extendida sin autras regiuns. Cun la contribuziun chantunala vegn promovì l'ulteriur svilup da questa plattafurma digitala. «Mercato Valposchiavo» pussibilitescha a l'hotellaria e gastronomia, a las butias sco er ad ulteriurs manaschis da commerzi interessads da la regiun d'empustar ils products agriculs da la Val Puschlav sin in'unica plattafurma. Il process d'empustaziun e da facturaziun ha lieu sin via digitala e la distribuziun da la rauba (logistica) vegn coordinada e realisada d'interpresas da logistica localas. Ils differents process vegnan uschia optimads e standardisads e la distribuziun dals products regiunals vegn rinforzada en la val.

Transformaziun digitala@GR

Cun la purschida da furmaziun supplementara «Transfurmaziun digitala@GR» pon persunas cun activitad da gudogn vegnir scoladas vinavant en ina moda nunbirocratica ed orientada fitg bain a la pratica. Questa purschida furma la basa per dumagnar la transfurmaziun digitala. Il project persvada cunzunt tras l'access nunbirocratic per forzas da lavur che han fatg in emprendissadi, ma che han in profil professiunal che sa mida permanentamain pervia da la digitalisaziun. Ultra da quai rinforza il project la collavuraziun tranter la SASGR e l'economia regiunala.

Gestiun pli efficazia da las incumbensas en la tgira

Il project duai accelerar ils process cun ina software adequata ed uschia distgargiar la tgira. En l'avegnir duain las incumbensas pudair vegnir repartidas e coordinadas confurm a las persunas. Tras il nov sistem vegn la persuna correspundenta, ch'è responsabla per la tgira, infurmada davart ils basegns individuals da la pazienta u dal pazient. Quai spargna temp, perquai che la persuna responsabla per la tgira na sto betg pli far il viadi tar la pazienta u il pazient ed enavos. Ultra da quai poi vegnir garantì, che las incumbensas arrivan mintgamai tar la dretga gruppa professiunala e tar la dretga persuna. Uschia po la tgira sa concentrar pli fitg sin sias activitads principalas.

Furniturs da prestaziuns sco sellpoints decentrals

En il rom dal project «Furniturs da prestaziuns sco sellpoints decentrals» ha l’Engadin Tourismus SA en mira la digitalisaziun consequenta da servetschs, da products e da process relevants per il turissem. Ils furniturs da prestaziuns duain vegnir sustegnids en la transfurmaziun digitala per lung da la chadaina da servetschs turistics, cun la finamira da mantegnair la cumpetitivitad da la regiun turistica er en l’avegnir ed a lunga vista. Er las collavuraturas ed ils collavuraturs duain vegnir perfecziunads en dumondas digitalas. Per entant demussa il project ses effect principalmain en l’Engiadina. A vista mesauna pon dentant er las autras destinaziuns turisticas grischunas profitar dal project.

Project digital per automatisar process en il sectur da sanadad

Blers secturs dals fatgs da sanadad, tranter auter er la tgira e la medischina, èn confruntads cun problems da resursas e cun ina mancanza da persunas spezialisadas. Savens è la chargia da lavur tar las medias ed ils medis fitg gronda, er pervia da lavurs administrativas. Pervia dal squitsch da custs e pervia da las pretensiuns adina pli autas ston ils process vegnir optimads er en il support ed en l’administraziun. Cun quest project digital vegnan tals process automatisads ed er rendids pli effizients en tut ils secturs dals fatgs da sanadad. Ina software per Robotic Process Automation (RPA) duai gidar a cuntanscher questa finamira. Cun RPA fan las persunas participadas programs da computer (bots), che pon alura emprender, imitar ed exequir process da fatschenta sin basa da reglas.

Digitalisaziun dal traffic betg motorisà

Tras il project «Digitalisaziun dal traffic betg motorisà» duain las datas davart il traffic betg motorisà vegnir messas a disposiziun a las acturas ed als acturs dal martgà en ina furma adequata. Questas datas tutgan al champ da responsabladad dal Post spezialisà per il traffic betg motorisà da l’Uffizi da construcziun bassa. Uschia survegnan per exempel destinaziuns, interpresas u start-ups dal champ turistic ina basa impurtanta per realisar ideas e projects innovativs en il sectur da la mobilitad. En il rom da quest project da pilot duain vegnir stgaffidas basas da decisiun per l’utilisaziun futura da las datas. La responsabladad per il project duai vegnir attribuida a l’Uffizi da construcziun bassa sco Post spezialisà per il traffic betg motorisà. La firma Mountain Projekts ScRL da Cuira duai vegnir incumbensada cun la direcziun dal project.

Master of Science FHGR in User Experience & Data Visualization

Il nov studi «Master of Science FHGR in User Experience & Data Visualisation» cun attribuziun al sectur da la digitalisaziun e da l’informatica duai prestar ina contribuziun impurtanta per ademplir las finamiras dal program da la regenza 2021–2024 e sustegnair il posiziunament naziunal da la FHGR en il sectur «Human Computer Interaction / User Experience» sco er en «Information and Data Management». Il studi da Master vegn realisà en stretga collavuraziun cun interpresas e cun instituts da perscrutaziun da la branscha.

Framework cumpetenzas digitalas da basa en il Grischun

La finamira dals purtaders dal project (Markenkern SA, exigo SA, GastroGraubünden, SASGR, ibW, jugend.gr) è quella d’introducir ina plattafurma digitala «Framework cumpetenzas digitalas da basa en il Grischun» sco er purschidas d’infurmaziun e d’interacziun nunbirocraticas per la populaziun interessada. La plattafurma e las purschidas duain surpigliar la funcziun d’in sistem ecologic da basa per l’ambient digital en il Grischun, quai cun l’intent da pussibilitar e da facilitar l’access a cumpetenzas digitalas da basa.

Orgatool Ticketino

Die Kulturallianz Davos/Klosters/Prättigau möchte Mitarbeitende befähigen den Fortschritt der digitalen Transformation im Kulturbereich zu begleiten. Hierzu betreiben die Initianten eine Applikation, in der Veranstaltungsdaten erfasst und auf diversen Websites ausgespielt werden (sogenanntes Orgatool). Durch das Projekt können Informationen über Kulturveranstaltungen neu einmalig erfasst und mehrfach genutzt werden. Dadurch können sich die ehrenamtlichen Mitarbeitenden auf ihre Kernaufgaben fokussieren.

al.digital

Quai vala tant per ils giasts sco er per ils partenaris, sco per exempel ils furniturs da prestaziuns e las vischnancas da la destinaziun Arosa Lai.

Competence Center Exergames

En il rom dal project actual duai vegnir examinà, sch'igl è raschunaivel da domiciliar in tal center da cumpetenzas en il chantun Grischun. Ina dumonda da Swissrehamed GmbH.

Offensiva da furmaziun marketing digital

Ina plattafurma d'emprender en il sectur «marketing digital». Ina dumonda da la regiun Partenz/Tavau

«vaidrina plus»

Ina plattafurma da communicaziun participativa tranter la populaziun e las vischnancas da l'Engiadin'Ota. Ina dumonda da Gammeter Media SA.

Programs da correctura ortografica rumantscha

La realisaziun da sis programs da correctura ortografica en ils tschintg idioms ed en rumantsch grischun. Ina dumonda da Pro Svizra Rumantscha.

Contribuziun chantunala per la transfurmaziun digitala en il sectur turistic

Ina dumonda da las interpresas grischunas Inside Labs e SPOT Werbung.

Project digital Campiunadi mundial d'OL 2023

Ina plattafurma digitala per utilisadras, utilisaders e gruppas en mira cun interess per la cursa d'orientaziun. Ina dumonda da l'uniun Campiunadi mundial d'OL Flims Laax.

Academia online per la branscha turistica

In'academia digitala per promover il turissem grischun. Ina dumonda iniziada da la Scola auta spezialisada per il turissem dal Grischun e Somedia Learning.

«Herby»

In'app per persunas d'instrucziun, scolaras e scolars. Ina dumonda da la Pelikan GmbH.

Bachelor of Science in Computational and Data Science

A partir dal cumenzament da l'onn da scola 2021/22 po la Scola auta spezialisada dal Grischun (SAS Grischun) porscher il studi "Bachelor of Science in Computational and Data Science". Il studi sa posiziunescha sco studi tecnic en scienzas da datas sin basa da computers e rinforza la purschida da scolaziun da la SAS Grischun sin il champ da l'informatica. Ultra d'intermediar las pretensiuns scientificas e la metoda da perscrutaziun en il rom specific duai il studi porscher ina scolaziun orientada a l'applicaziun per la pratica professiunala. Il studi qualifitgescha las absolventas ed ils absolvents da lavurar sco data scientist, sco simulation engineer u sco software engineer. Grazia a l'introducziun da novs studis vegnan promovidas duraivlamain las finamiras da la Regenza "da rinforzar il Grischun sco lieu da furmaziun e da perscrutaziun" e "da sustegnair la transfurmaziun digitala en il chantun Grischun" dal Program da la Regenza 2021–2024.

Vendita 21

Vendita è ina soluziun grischuna, ina purschida communabla da las interpresas da transport participadas AutoDaPosta, Viafier retica, interpresas da traffic Tavau, bus local da San Murezzan, bus da Cuira ed Engiadina Bus. L'element central da la vendita èn ils "Automats da vendita", ils automats da bigliets per la vendita da documents electronics da viadi. "Venda" è la direcziun rigurusa ed impressiunanta dal num da project Vendita.