New Work: (sur)Viver en il nov mund da lavur

New Work è ina noziun analitica en connex cun novaziuns en noss mund da lavur, ma ella n'è betg definida definitivamain. Quai sa mussa er en ils votums da las participantas e dals participants al podium. Per Vera Herzmann, cussegliadra d'organisaziun sistematica e fundatura da "dwarf & Giants Schweiz", ha New Work da far bler cun structuras d'organisaziun. Ella favurisescha l'uscheditga "holocrazia" ingio cha teams s'organiseschan svess, sainza schef o schef chi dictescha la direcziun. Maurus Blumenthal, directur da l'Uniun grischuna d'artisanadi e mastregn maina la lavur chi'd es centrala pro New Work. Jon Erni, fundatur da MiaEngiadina e president da GRdigital, metta in focus plü sülla lavur in differents lös (multilocalitad) chi pretenda eir nouvs process e nouvas metodas. E per finir ha il tema in connex ferm cun la transfurmaziun digitala chi'd es la basa per blers aspects da New Work.

Tuot las partecipantas ed ils partecipants sun d'accord: New Work nun es ün trend, dimpersè üna realitad chi'd es gia daditg dal fat. Quai conferma eir la cuorta retschercha i'l public interessà, chi indichescha da lavurar per gronda part in trais oters lös. Eir pro miaEngiadina vivaina la nouva libertad da lavurar là, ingio chi'd es il plü adattà. En quai che reguarda la direcziun è centrala la qualificaziun da las collavuraturas e dals collavuraturs sco er lur cundecisiun. Jon Erni sa vesa damai er surtut sco "quel che rumescha la crappa per ch'auters possian lavurar". El conferma dentant er che models cumplessivs da new-work èn plitost adattads per in circul restrenschì da lavurantas e da lavurants: en emprima lingia per enconuschientschas e per chaus creativs.

Per Maurus Blumenthal esa impustüt la flexibilitad chi'd es la pretaisa da nouva lavur chi'd es confruntada cun grondas sfidas. Quists ston accumplir hoz bler plü ferm ils bsögns da lur collavuraturas e collavuraturs: Vul'l lavurar plü gugent a chasa o in biro? Vul'l surprender respunsabiltà o vegna manada plü gugent? La mancanza da persunas spezialisadas ha ultra da quai per consequenza che las lavurantas ed ils lavurants èn savens en ina posiziun pli ferma, pon s'annunziar e pretender lur basegns. Per Vera Herzmann èsi central da fabritgar punts e da procurar che tut ils collavuraturs vegnian retratgs e tadlads.

New Work na chaschuna dentant betg mo grondas sfidas per las patrunas e per ils patruns, mabain er per las collavuraturas ed ils collavuraturs. Quai mussa il quart participant da la discussiun al podium, dr. med. Rahul Gupta, directur medicinal da la psichiatria da creschids e commember da la direcziun dals servetschs psichiatrics dal Grischun SPGR en moda impressiunanta cun resultats da studi. Gia durant la pandemia, cur che blers èn vegnids en contact cun homeoffice l'emprima giada, è il basegn per servetschs psicoterapeutics s'augmentà. Quai na sa lascha però betg attribuir be a New Work, mabain saja debità per parts essenzialas da l'isolaziun da noss ambient social e da la mancanza da cumpensaziun durant la pandemia. New Work exprima ina gronda part da la populaziun cun activitad da gudogn da midar fermamain lur models da vita e da lavur. Quai saja problematic cunzunt per quels umans che prefereschan da lavurar en structuras fixas. "Tar els è il privel d'ina surchargia e d'ina malsogna psichica spezialmain grond", manegia Gupta e cumplettescha che la sensibilitad da sia lavur saja centrala per la sanadad psichica da l'uman d'ozendi.

Tenor in studi da Frey ed Osborne per l'uffizi federal da statistica davart las cumpetenzas centralas en l'èra digitala vesan bleras interpresas il focus sin las abilitads che na sa laschan betg automatisar e che pretendan in'auta abilitad da pensar, da giuditgar e da prender decisiuns. Rahul Gupta stima quest studi sco detg realistic – ed era sco anguschant. Tenor stimaziuns pudess circa in terz da las forzas da lavur esser surdumandà tras quests profils d'exigenzas. Cha quistas persunas nu pon restar sün via e far üna lavur chi fa ün senn per ellas es üna da las sfidas societaras chi portan nouva lavur.

"New Work è zunt interessant ord vista da l'economia publica, sch'i va per crear spazis, nua che umans sa sentan bain per lavurar e viver", manegia Maurus Blumenthal. Da las spüertas sco cha miaEngiadina metta a disposiziun po profitar la finala ün'intera vallada; dal mazler fin tar la gestiunaria da las pendicularas. Jon Erni va perfin uschè lunsch en sia decleraziun che New work po far dapli viva a bleras vals grischunas durant l'entir onn, perquai che questas purschidas n'èn betg attractivas mo durant las stagiuns principalas turisticas.

La noziun "New Work" cumpiglia la midada structurala da noss mund da lavur en temps da globalisaziun e digitalisaziun. Nossa lavur sa mida areguard lieus da lavur, utensils, metodas, process e furmas d'organisaziun. Betg tut las professiuns e tut las activitads èn pertutgadas da la medema maniera. Igl è da far frunt a quest process cumplex cun flexibilitad e da trair a niz las schanzas e da surpigliar las sfidas sco societad.