Herby

«Herby» è in’app da correctura che simplifitgescha tant a scolastas e scolasts sco er a scolaras e scolars da curreger fegls da lavur scrits a maun. Grazia a l’algoritmus che curregia entaifer secundas il fegl da lavur fotografà po la persuna d’instrucziun sa far in maletg dals progress d’emprender da la scolara u dal scolar. Quest process visualisà en il dashboard gida a spargnar resursas e permetta d’investir il temp gudagnà en la promoziun ed il sustegn individual da las scolaras e dals scolars. Ils iniziants da Herby che derivan dal Grischun han sviluppà l’app da correctura a basa d’ina lavur da perscrutaziun a l’Universitad da Son Gagl ed a l’Universitad da Berkeley en California. Il Chantun sustegna il project ils proxims trais onns cun ina contribuziun da promoziun da max. CHF 450’000.