GRdigital: promovì las emprimas dumondas – e blers projects en la pipeline

Ina «pipeline da dumondas» plaina

Dapi l’october 2021 èn vegnidas inoltradas tar GRdigital var 50 dumondas da promoziun. Entant èn var in quart da questas dumondas puspè vegnidas revocadas per divers motivs. En media sa chattan set dumondas il medem mument en il process d’evaluaziun tranter il cussegl spezialisà, la suprastanza ed il chantun Grischun. Las ulteriuras dumondas vegnan examinadas formalmain u èn vegnidas returnadas cun ulteriurs giavischs a las petentas ed als petents. Er areguard la grondezza dals projects è la paletta fitg vasta. Il pli savens vegnan inoltrads projects da grondezza mesauna – uschenumnads projects cumplessivs. GRdigital survegn dentant era regularmain dumondas da promoziun per projects pitschens (projects da pilot) e projects gronds (projects exemplarics). Las dumondas derivan da tut las branschas, davent dal sectur da sanadad, sur il turissem, la cultura fin a la furmaziun. «Questa diversitad è precis quai che nus vulevan cuntanscher ed ans legra sa chapescha fitg.» Per GRdigital èsi uss en emprima lingia impurtant da trametter tant pli spert ulteriuras dumondas cun ina recumandaziun da promoziun positiva a la regenza. «La pipeline è plaina, ed il potenzial da las dumondas d’avair in ferm effect per l’economia publica dal Grischun è grond. Nus essan persvadids che nus pudain gia prest communitgar ulteriuras bunas novas», di Marcel Meyer, mainafatschenta da GRdigital.

Ina vasta paletta da projects

A chaschun da l’occurrenza han ils giasts gì la pussaivladad da sa barattar directamain cun las petentas ed ils petents dals projects promovids e d’als tschentar lur dumondas. «Igl è bel da vesair il grond interess. Las reacziuns positivas ans legran fitg», di Marcel Meyer. Quests projects van uss en la fasa da realisaziun, durant la quala els vegnan medemamain accumpagnads da GRdigital.

Ulteriuras infurmaziuns davart las dumondas da promoziun