Medienmitteilung

Glisch verda per in studi da master consecutiv «User Design and Data Visualisation»

La Regenza ha garantì a la scola auta spezialisada dal Grischun ina contribuziun chantunala da maximalmain CHF 756’912 per il studi da master consecutiv «User Design and Data Visualisation». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Per il project èn budgetads custs da circa 3’187’000 francs.

Masterstudiengang «User Design and Data Visualization»

Il nov studi «Master of Science FHGR in User Experience & Data Visualisation» cun attribuziun al sectur da la digitalisaziun e da l’informatica duai prestar ina contribuziun impurtanta per ademplir las finamiras dal program da la regenza 2021–2024 e sustegnair il posiziunament naziunal da la FHGR en il sectur «Human Computer Interaction / User Experience» sco er en «Information and Data Management». Il studi da Master vegn realisà en stretga collavuraziun cun interpresas e cun instituts da perscrutaziun da la branscha. La finamira è da scolar «User Experience DesignerInnen», «User Experience ResearcherInnen», «Daten AnalystInnen» e «Daten Visualisierung». Actualmain èn gia vegnidas fatgas diesch cunvegnas da cooperaziun en scrit cun interpresas regiunalas e naziunalas renumadas resp. cun instituts da perscrutaziun. In’ulteriura amplificaziun da questa rait da cooperaziun progredescha actualmain.

Ulteriuras infurmaziuns

Marcel Meyer

Geschäftsführer GRdigital
T +41 81 250 69 11
marcel@grdigital.digital