Avais Vus il chau per la transfurmaziun digitala? Tschintg strategias per pensar cun success
10.01.2024
Cordial bainvegni a noss nov blog digital grischun!
El è resultà d’in barat inspirant cun represchentantas e represchentants da las medias.
L’enconuschientscha: Las sfidas da la transfurmaziun digitala èn savens grevas da registrar. Precis qua cumenza nossa seria da blogs – in’emprova da render chapibel temas cumplexs da la transfurmaziun digitala e da marcar lur niz concret per mintga singul.
In impurtant champ per pudair dumagnar la transfurmaziun digitala è la dretga moda da pensar da mintga singula persuna. Che la transfurmaziun digitala cumenza l’emprim en il chau. Per savair co che quai guarda ora en il mintgadi d’interpresas en il chantun Grischun, avain nus realisà dacurt in lavuratori cun ils resultats che jau part gugent.
Sis gruppas cun represchentantas d’ interpresas dal chantun Grischun han analisà en il lavuratori independentamain ina da l’ autra tge pass ch’ èn necessaris per promover la dretga moda da pensar – il fundament per ina transfurmaziun digitala cun success. Las participantas ed ils participants èn sa confruntads cun las garanzias, stressaders e temas ch’impedeschan oz da far avanzar projects innovativs da transfurmaziun digitala (A). Ultra da quai han els sviluppà levs per far frunt a questas sfidas (B):
(A) Temas en la transfurmaziun digitala
Ils resultats davart ils obstachels, stressurs e temas sun gnüts trapartids in trais categorias: organisaziun, team e persuna singula. Da dumondas d’existenza fin a la tema da las müdadas – las sfidas sun variadas e vastas.
Organisaziun:
Tanter oter stattan in focus las dumondas davart l’existenza, ils cuosts, il tempo, la lingua e la sgürezza. Co po üna organisaziun purtar ils cuosts? Co s’adattescha ella a la vita rapida da la tecnologia? La glista es lunga, ma decisiva per la via in avegnir digital.
Team:
Il team gioga ina rolla-clav. Dumondas davart barats, conflicts e novas rollas ston vegnir respundidas. La tenuta da collavuraturs pli vegls areguard l’innovaziun ed il tractament da midadas èn er aspects critics.
Persuna singula:
A nivel persunal èn temas da la perdita da lavur, da la cuntanschibladad permanenta e dal senn da la lavur da mintgadi en il local. La prontezza da midar insatge e la dumonda davart l’atgna contribuziun a la transfurmaziun èn d’impurtanza centrala.
B) levagl per promover la moda da pensar per ina transfurmaziun digitala cun success
Resumadas resultan dals resultats da las sis gruppas da lavuratoris tschintg enconuschientschas principalas per promover la moda da pensar cun success en la transfurmaziun digitala:
1. La communicaziun è la clav:
Communicaziun clera e transparenta è decisiva per avair success. Collavuraturas e collavuraturs ston vegnir infurmads a temp ed avertamain davart las midadas per render la transfurmaziun digitala a moda positiva.
2. Ina furmaziun supplementara è indispensabla:
Ins ha d’intensivar las scolaziuns internas ed externas. Ils collavuraturs e las collavuraturas ston avair las cumpetenzas necessarias per dumagnar las sfidas da l’era digitala.
3. La participaziun dals collavuraturs è decisiva:
Las collavuraturas ston vegnir integradas activamain en il process da transfurmaziun. Lur perspectivas e lur ideas èn preziusas e contribueschan a la direcziun strategica da la transfurmaziun digitala.
4. Accumpagnament interuman:
La transfurmaziun digitala sto vegnir sustegnida d’in accumpagnament intensiv interuman. Novs barats ed in dialog approfundà davart constataziuns e situaziuns actualas èn necessaris.
5. Planisaziun strategica:
Ils manaschis ston reducir la cumplexitad da la transfurmaziun digitala cun ina planisaziun strategica clera. La priorisaziun da secturs e la planisaziun precisa dal diever da las resursas faciliteschan la realisaziun.
facit
Quests resultats porschan in cler mussavia per interpresas che vulan sa mover cun success en il futur digital. Igl è temp da superar las temas, da vesair las schanzas e da trair a niz ils levs per far frunt – uschia po ina transfurmaziun digitala innovativa e cun success reussir per nus tuts.
Faschain quai ensemen!
Marcel Meyer, mainagestiun grischun digital