Project digital per automatisar process en il sectur da sanadad

Blers secturs dals fatgs da sanadad, tranter auter er la tgira e la medischina, èn confruntads cun problems da resursas e cun ina mancanza da persunas spezialisadas. Savens è la chargia da lavur tar las medias ed ils medis fitg gronda, er pervia da lavurs administrativas. Pervia dal squitsch da custs e pervia da las pretensiuns adina pli autas ston ils process vegnir optimads er en il support ed en l’administraziun. Cun quest project digital vegnan tals process automatisads ed er rendids pli effizients en tut ils secturs dals fatgs da sanadad. Ina software per Robotic Process Automation (RPA) duai gidar a cuntanscher questa finamira. Cun RPA fan las persunas participadas programs da computer (bots), che pon alura emprender, imitar ed exequir process da fatschenta sin basa da reglas.

Las infurmaziuns las pli impurtantas en in’egliada

• Petenta/petent: Fundaziun Ospital chantunal dal Grischun
• Approvà dal Chantun pls: 6 da fanadur 2023
• Cuts dal project total: CHF 7’720’000
• Contribuziun da promozione: CHF 2’510’000

Documents

Ils documents ch’il project metta a disposiziun per l’ulteriur diever vegnan archivads qua.

Dumondas

Sche ti has dumondas, pos ti scriver ad info@grdigital.digital .

GRdigital Podcast

En il podcast declera Markus Müntener da l’Ospital chantunal dal Grischun tge ch’i ha dà per sfidas e bler auter en il project automatisaziun da process en il sectur da sanadad. Guardai ussa il Vlog u tadlai en il podcast!

Episoda 4 del GRdigital Podcast as chatta sün Youtube, Spotify, Apple Podcasts und Google Podcasts.