Nus tschertgain novas commembras e novs commembers per il cussegl spezialisà!
Crais ti en la forza d’ideas ch’inspireschan e che fan avanzar il Grischun en la transfurmaziun digitala? Lura es ti la dretga persuna per cumplettar noss cussegl spezialisà.
Sco commembra/commember dal cussegl spezialisà …
- … pos ti duvrar tias experientschas cun projects digitals e tes mindset digital per examinar dumondas da promoziun.
- … survegns ti in’invista exclusiva en projects innovativs che spetgan tes feedback cumpetent.
- … gidas ti activamain da preparar il Grischun per il futur.
Quai èn las incumbensas d’in cussegl spezialisà
Il cussegl spezialisà sustegna GRdigital d’evaluar dumondas da promoziun. Vossa recumandaziun serva a la Regenza sco basa per ina decisiun da promoziun positiva u negativa.
- valitar l’aspect material da projects
- far ina recumandaziun da promoziun per mauns da la suprastanza
- cussegliar la suprastanza ed il secretariat en dumondas specificas
- inizialisar agens projects da GRdigital per la transfurmaziun digitala en il Grischun
Co vesa ora l’engaschi per il cussegl spezialisà?
Il temp per examinar ina dumonda variescha tut tenor la grondezza dal project tranter 2-8 uras. En pli na suondan ils engaschaments da lavur dal cussegl spezialisà betg in urari fix. Perquai è dumandada flexibilitad. La surdada d’incumbensas a commembras e commembers dal cussegl spezialisà succeda sin basa da mandat. L’indemnisaziun sa drizza suenter las directivas chantunalas.
Tes profil
- avair plaschair da la digitalisaziun e dal chantun Grischun
- avair experientschas cun projects digitals e/u avair fatg ina scolaziun correspundenta
- avair experientschas cun il management da projects
- pensar ed agir d’interprendidra u d’interprendider
- savair tudestg e/u rumantsch e/u talian ed englais
Has interess?
Lura emplaina il formular suandant. En cas da dumondas stat Marcel Meyer (marcel@grdigital.digital, 081 250 69 11) gugent a disposiziun. Nus ans legrain sin tia annunzia!
L’uniun è il post da consultaziun che promova la creaziun da raits per la transfurmaziun digitala e per la digitalisaziun en il Grischun. Plinavant è GRdigital il post da consultaziun central per petentas e petents che vulan profitar per lur projects da contribuziuns da promoziun ch’il Chantun metta a disposiziun per la transfurmaziun digitala. Per evaluar questas dumondas (e far ina recumandaziun da promoziun positiva u negativa) recurra GRdigital al cussegl spezialisà.
Ulteriuras finamiras da GRdigital èn d’augmentar la cumpetitivitad, engrondir la valurisaziun ed intensivar la forza innovativa da la plazza economica. L’uniun surpiglia incumbensas en il rom d’in mandat da prestaziun cun il chantun Grischun.
*In commembradi da GRdigital n’è betg premissa per l’admissiun en il cussegl spezialisà. Igl è dentant giavischabel che ti sco persuna privata u tia interpresa daventia commembra. Dapli infurmaziuns chattas ti qua.