La suprastanza sa preschenta.

Jon Erni

President

Preziadas commembras fundaturas e stimads commembers fundaturs
Dapi blers onns m’engasch jau per la digitalisaziun sco schanza per il territori rural. Il chantun Grischun ha surpiglià ina rolla da precursur e definì sin il stgalim politic las basas legalas e mess a disposiziun la finanziaziun necessaria.

AVANZAR

Arnold Bachmann

anteriur CEO Ospital chantunal dal Grischun

I ma stat a cor da far avanzar la digitalisaziun en il chantun Grischun. Perquai m’engasch jau er en l’uniun eSANITA per il dossier electronic dal pazient u sun stà gia pli baud president da l’emprima associaziun per l’informatica d’ospitals da la Svizra.

Maurus Blumenthal

mainafatschenta Uniun grischuna d'artisanadi e mastergn

Las tecnologias digitalas midan il cumportament dals umans e da las interpresas. La clientella, collavuraturas e collavuraturs, furnituras e furniturs e la concurrenza sa midan tras la digitalisaziun. Ella accelerescha midadas socialas, economicas e politicas existentas e metta en moviment novas midadas. Al Grischun sco chantun periferic e chantun da cunfin porscha la digitalisaziun potenzial da svilup. Dentant exista er il privel imminent da betg pudair tegnair pass cun ils auters. Cun agid d’ina infrastructura digitala segira e buna, scolaziuns spezialisadas d’auta qualitad orientadas al martgà da lavur e la creaziun da novas chadainas da valurisaziun, ina regulaziun uschè precauta sco pussaivel sco er in’occupaziun sociopolitica proactiva cun la digitalisaziun reusseschi a l’economia publica grischuna e sias interpresas innovativas da nizzegiar la digitalisaziun per las generaziuns vegnintas.

En connex cun la realisaziun da la Lescha davart la promoziun da la transfurmaziun digitala en il Grischun stat per mai en il center l’intent da la lescha e l’elavuraziun uschè nunbirocratica sco pussaivel e tuttina professiunala da las dumondas. Uschia èsi pussaivel d’impunder quests daners da taglia a moda efficazia e persistenta per promover l’innovaziun.

.

Barbara Haller Rupf

mainafatschenta Academia Raetica Raetica

Mia finamira: nizzegiar tut las fassettas da la digitalisaziun per sviluppar vinavant il Grischun sco lieu attractiv da viver, lavurar e passentar il temp liber. Latiers pon las instituziuns da perscrutaziun dal chantun contribuir essenzialmain. Mia incumbensa en la suprastanza è da construir punts tranter la perscrutaziun grischuna e la populaziun grischuna en il sectur da la digitalisaziun. Jau port las ideas dals instituts da perscrutaziun en l’Uniun GRdigital ed intermediesch ils basegns dals umans a quellas e quels che han la cumpetenza da sviluppar soluziuns.

Nikolaus Schmid

Vorstand Kulturkanton

Natiralmain pertutga la digitalisaziun era la cultura e la lavur culturala. En in senn pli vast ed in senn pli stretg. Ed era qua porscha ella schanzas. Il bel è che l’art e la cultura pon s’appropriar da la digitalisaziun, uschia ch’ella po esser dapli che mo il med per cuntanscher la finamira. Ma immediat datti dumondas: Co midan las novas tecnologias ed innovaziuns digitalas la lavur d’artistas e d’artists e d’instituziuns culturalas? Tge rolla gioga la transfurmaziun digitala per visitadras e visitaders e persunas interessadas a la cultura? Tge potenzials porscha la digitalisaziun plinavant a la furmaziun culturala e la participaziun a purschidas culturalas? È la digitalisaziun in fenomen temporar u in svilup persistent? – Spetga nus insatge che nus avain eventualmain pir gist cumenzà ad enconuscher e chapir? Igl è impurtant che nus ans tschentian questas ed autras dumondas per garantir che nus nizzegiain la digitalisaziun cun in egl critic, senza tralaschar l’analog. Jau ma legrel da m’occupar plain gust e plaschair da numerus projects interessants.

Aixa Andreetta

dr. en archeologia / collavuratura scientifica tar RSI

In’archeologa che crai en la digitalisaziun po parair paradoxa. Per mai è la digitalisaziun in instrument interdisciplinar e cumplex che gida da surmuntar barrieras temporalas e geograficas. Igl è in svilup, durant il qual l’interacziun tranter secturs, disciplinas/champs ed umans è d’impurtanza essenziala per perscrutar novas furmas expressivas, novs impuls per la societad e novas modas da cooperaziun effectivas.

Mes engaschi per GRdigital va en quest senn a favur da las periferias, dal Grischun italofon e da las minoritads linguisticas.