Las basas per la promoziun d’in project
Per inoltrar in project metta GRdigital a disposiziun divers meds d’agid e lingias directivas. Qua vegns ti a savair a basa da tge criteris ch’in project vegn promovì e tge documents da model che ta stattan a disposiziun.
Basas legalas
La lescha e l’ordinaziun davart la promoziun da la transfurmaziun digitala (LTD) determineschan las finamiras da promoziun ed èn la basa per ils instruments da promoziun elavurads. Tenor la lescha ston ils projects inoltrads ademplir almain ina da las suandantas premissas:
- cuntegnair u pudair effectuar ina transfurmaziun da process, da products, da servetschs u da models da fatschenta che sa basa sin las tecnologias digitalas
- intermediar cumpetenzas als umans, particularmain a las forzas da lavur, e qualifitgar quels d’inizialisar, d’accumpagnar e da realisar ina transfurmaziun che sa basa sin las tecnologias digitalas.
Lingias directivas
Il maletg directiv da GRdigital è vegnì elavurà tenor las basas legalas e cumpiglia la visiun e la missiun da l’uniun sco era las lingias directivas per la promoziun da projects.
A las lingias directivas per la promoziun
Criteris da promoziun
Ils criteris da promoziun èn vegnids determinads a maun da las lingias directivas. Ultra da quai sa basan els sin concepts d’evaluaziun existents ch’èn sa cumprovads e che vegnan applitgads cun success en la pratica. Cun agid da quests criteris giuditgeschan las expertas ed ils experts da GRdigital ils projects inoltrads.
Models
Ils documents da model che GRdigital metta a disposiziun sa basan sin las lingias directivas ed ils criteris da promoziun. Per pudair inoltrar in project a GRdigital ston ins far diever da quests models. Las agiuntas ch’èn necessarias tut tenor il gener da project èn menziunadas en ils models respectivs e descrittas detagliadamain en il document da FAQ. Per che nus survegnian svelt ina simpla survista dal preventiv da la dumonda, ta supplitgain nus d’emplenir il model survista preventiv.
- model per inoltrar in project exemplaric / project grond
- model per inoltrar in project cumplessiv / project mesaun
- model per inoltrar in project da pilot / project pitschen
- model survista preventiv
- model per terms impurtants ed objects da furniziun
- al document FAQ
Ulteriuras infurmaziuns davart ils geners da project chattas ti qua.