digidi – in’occurrenza participativa per la digitalisaziun dal rumantsch

Per s’annunziar!

Allegra!

Ditg sinceramain: quest text è vegnì curregì cun il program da correctura sin pledarigrond.ch, nua ch’è era vegnì guardà suenter inqual pled ed ina u l’autra conjugaziun. Il mund digital ha gia daditg cuntanschì mintgina e mintgin da nus, er en la Rumantschia. Ma quest mund sa mida permanentamain. Ed era la digitalisaziun rumantscha duess sa sviluppar e sa transfurmar vinavant. Per crear purschidas digitalas dovri però datas. Danunder pudessan questas datas vegnir? Ed en tge direcziun duess la digitalisaziun rumantscha ir? Tge visiuns e basegns han  las persunas che dovran purschidas digitalas rumantschas? E tge visiuns e basegns has ti?

Per discutar precis questas dumondas cun la Rumantschia – cun tai – ans inscuntrain nus en il rom d’in di deditgà a la digitalisaziun – il digidi, in’occurrenza participativa per la digitalisaziun dal rumantsch adressada ad in e scadin. Durant l’inscunter vulain nus per l’ina preschentar il stan actual da la strategia da transfurmaziun digitala che vegn da preschent elavurada da la Lia Rumantscha ensemen cun partenaris d’interess. Per l’autra vulain nus dar a tut las persunas da differents champs pertutgads la pussaivladad d’exprimer lur visiuns e basegns. Bainvegnid:as èn natiralmain era commembras e commembers dad uniuns e d’instituziuns che han in connex general cun il rumantsch ed insumma tut las persunas interessadas.

Data:

• Sonda, ils 23 da november 2024

Lieu:

• 08EINS Softwarehaus, Comercialstrasse 36, 7000 Cuira

Urari:

• 9.00 café stortins
• 9.30 bainvegni, introducziun, preschentaziun dal stan actual da la strategia da transfurmaziun digitala ed inputs per il di
• 10.30 pause
• 10.45 lavurs en gruppa
• 12.15 gentar offert
• 13.45 lavurs en gruppa
• 16.00 resumaziun e finiziun
• 17.00 apero en la Werkstatt a Cuira – i dat insatge da piclar e l’emprima runda da baiver è offerta

Per s’annunziar!