GRdigital lantscha la plattafurma per inoltrar dumondas
A partir d’immediat èsi pussaivel d’inoltrar sur la plattafurma www.grdigital.digital dumondas da finanziaziun a basa da la Lescha davart la promoziun da la transfurmaziun digitala en il Grischun. L’Uniun GRdigital examinescha las dumondas tenor las lingias directivas approvadas da la Regenza chantunala e dals criteris correspundents. Formulars da dumonda ed in fegl d’infurmaziun cun las respostas a las pli impurtantas dumondas davart l’applicaziun dals criteris èn disponibels online en tut las trais linguas chantunalas.